شركة أوبو بتقدم تجربة جديدة في عالم الموبايلات القابلة للطي فنزلت رسميًا موبايلها الجديد الـ Oppo Find N3 الموبايل ده مميز أوي ودا علشان عدة أسباب يعني مثلا تصميم مبتكر ومواصفات عالية زي ان الشاشة الداخلية بمساحة 7.82 بوصة ودقة QHD+، وبتدعم معدل تحديث 120 هرتز، وكمان الشاشة الخارجية بمساحة 5.49 بوصة ودقة Full HD+، وبتدعم معدل تحديث 120 هرتز.
كل دا غير ان الكاميرا الخلفية ثلاثية بدقة 48+64+48 ميجا بكسل، وكمان الموبايل بيجي بكامرتين سيلفي الكاميرا السيلفي بتيجي بدقة 32 ميجا بكسل اللي مع الشاشة الداخلية، وكاميرا سيلفي بدقة 16 ميجا بكسل مع الشاشة الخارجية
وبالنسبة للأداء فهو قوي جدًا، معالج Snapdragon 8 Gen 2 الرائد، مع ذاكرة وصول عشوائي 12 جيجابايت وذاكرة تخزين داخلية 512 جيجابايت. البطارية كبيرة بسعة 4610 مللي أمبير، بتدعم الشحن السريع بقوة 67 واط تعالو بينا بقا نتعرف على أهم مميزات الموبايل وعيوبه، وهل يستحق الشراء أم لا.”
مواصفات موبايل اوبو Find N3
- الشاشة: الداخلية: من نوع Foldable LTPO3 OLED 7.82 بوصة والخارجية: 6.31 بوصة
- المعالج: الموبايل بيجي بمعالج من شركة كوالكم من نوع Snapdragon 8 Gen 2 بتكنولوجيا 4 نانو مع معالج رسومي من نوع Adreno 740
- الذاكرة: نسختين للذاكرة الصلبة 512/1000 جيجا بايت مع نسخة واحدة من الذاكرة العشوائية (الرام ) 16 جيجا بايت
- الكاميرا: الكاميرا الخلفية ثلاثية 48+64+48 ميجا بايت والكاميرا الامامية 20+32 للشاشتين الداخلية والخارجية.
- البطارية: 4805 مللي أمبير
- نظام التشغيل: الموبايل بيجي بنظام تشغيل اندرويد 13 بواجهة أوبو الأحدث الـ ColorOS 13.2
مميزات Oppo Find N3
- تصميم الموبايل مميز، خاماته ممتازة من أوبو، وحجمه نحيف جدًا عند فتحه، بسمك 5.8 ملم. وكمان مفصلة الموبايل ممتازة، ضمان فتح وقفل الفولد لأكثر من مليون مرة
- الموبايل بيجي بنسختين الاولي زجاج والتانيه من الجلد وفي النسختين الاطار من الالمونيوم كمان طارد لقطرات الماء الخفيفة بشهادة الـ IPX4
- وبالنسبة للاكسسوارات فالموبايل بييجي معاه جراب فخم بيحافظ عليه، وفي نفس الوقت بيخليه أنيق
- وبالنسبة للتجربة الصوتية للموبايل فالسماعات الخارجية بتديك تجربة صوتية مميزة، صوتها عالي جدًا، وبتدعم Dolby Atmos دا غير ان الموبايل فيه مايك إضافي لعزل الضوضاء.
- البطارية كبيرة بسعة 4610 مللي أمبير واللي بتخليك تستخدم الموبايل لفترات كبيرة والمعالج بيوفر في البطارية وقت الاستخدام، دا غير ان الشركة دعمت الشحن السريع بقوة 67 واط، والشاحن السريع بيجي مع الموبايل.
- خلينا نقول ان كاميرا الموبايل من أفضل الكاميرات اللي موجودة في الهواتف القابلة للطي، وبتتميز بقدرات زوم متطورة والكاميرات بتقدمها الشركة بالتعاون مع Hasselblad حيث تأتي الكاميرا الأولى بدقة 48 ميجا بكسل بفتحة عدسة F/1.7 وتدعم المثبت البصري الـ OIS بمستشعر سونيLYTIA-T808 ودا اللي بيخليها تقدم أداء ممتاز
- الكاميرا الثانية فتأتي بدقة 64 ميجا بكسل بفتحة عدسة F/2.6 وتدعم المثبت البصري الـ OIS وهي الكاميرا الخاصة بتصوير البورترية والزوم والكاميرا الثالثة فتأتي بدقة 48 ميجا بكسل بفتحة عدسة F/2.2 وهي الكاميرا الخاصة بالتصوير بزاوية واسعة.
- وبالنسبة لتصوير الفيديوهات بجودة الـ 4K بدقة 2160 بكسل بمعدل التقاط 30 و60 إطار في الثانية.
- عتاد الموبايل واحد من اقوي المعالجات الموجودة صحيح مش الاقوي حاليا بس قوي جدا بفضل معالج كوالكم الرائد الـ Snapdragon 8 Gen 2 واللي بيقدم أداء ممتاز دا غير مساحة التخزين الكبيرة وكمان الرام الكبير اللي بيدي سهولة في الاستخدام.
- الشاشة الخارجية بمساحة 5.49 بوصة، وبتتميز بأبعاد ممتازة 20:9، زي الهواتف العادية. يعني ممكن تستخدمها بكل سهولة، من غير ما تضطر تفتح الشاشة الداخلية الكبيرة. وكمان الشاشة بسطوع عالي 2800 شمعة، وبتدعم معدل تحديث متغير من 10 لـ 120 هيرتز
- الشاشة الداخلية بقا بتيجي بفتحة في يمينها، ومن نوع Foldable LTPO3 OLED، وبمساحة 7.82 بوصة، ودقة 2268×2440 بكسل، وكثافة بكسلات 426 بكسل لكل بوصة، وبتدعم معدل تحديث متغير من 1 لـ 120 هيرتز، وبتدعم Dolby Vision، وسطوعها 2800 شمعة
عيوب الموبايل
- في البداية خليني أقول ان الشاشات الفولد دي مش اقوي حاجة فحتي لو كانت مفصلات الموبايل قوية بس الشاشة نفسها مش اقوي حاجة في الاستخدام وحتي مينفعش يتحط سكرين برتيكتور بسبب انها فولد فلازم تاخد بالك وانت بتستخدمها
- الموبايل كمان مش بيدعم الشحن اللاسلكي، يعني هتضطر تشحنه عن طريق سلك حتي الشحن السلكي مش اقوي حاجة ودا لان فيه موبايلات بتوصل الشحن فيها لـ 90 و 120 واط.
- الموبايل زي ما قولنا مش مقاوم للماء والغبار، يعني خد بالك منه لو وقع في مياه أو وقع في مكان فيه أتربة ودا بسبب انه فولد فدا طبيعي.
- مش بيدعم منفذ 3.5 ملم، يعني هتحتاج سماعة بلوتوث أو سماعة USB-C. ده طبيعي في الهواتف الرائدة بس دا هيخلي تكلفة الموبايل تزيد علشان انت هتشتري الحاجات دي وهي أصلا غاليه.
- خليني اقولك ان الموبايل مش بيدعم زيادة المساحة التخزينية عن طريق كارت ميموري، بس مساحة التخزين الداخلية كبيرة كفاية، يعني مش هتحتاج كارت ميموري بس معتقدش انك بالمساحة بتاعه الموبايل دي هتحتاج كارت ميموري من الأساس
- فيه حاجة مش مفهومة في الموبايل ده وهو انه مش بيدعم تصوير فيديو بجودة 8K، بس بيدعم تصوير فيديو بجودة 4K، يعني هتقدر تصور فيديوهات بجودة عالية بس بردو مش اعلي حاجة موجودة.
سعر الهاتف
- السعر العالمي حوالي 1700 دولار امريكي تقريبا للنسخة 512 جيجا مع 16 جيجا رام وتم اطلاق نسخة عالمية من الهاتف .
- في الإمارات للنسخة 512 جيجا مع 16 جيجا رام بسعر 8000 درهم اماراتي مع هدايا قيمة بقيمة 3000 درهم تقريبا حتي الان .
تقييم الجهاز النهائي
الموبايل بيقدم تجربة استخدام ممتازة ومنافس قوي كمان لموبايل سامسونج الفولد بشكل عام، موبايل Oppo Find N3 موبايل مميز جدًا، وبيقدم قيمة جيدة مقابل سعره. الموبايل فيه تصميم مميز، خامات ممتازة، أداء قوي، كاميرات مميزة، وشاشات ممتازة
