honor x9b

نظرة سريعة على مواصفات هونر X9b أقوى موبايل مقاوم للكسر

أخيرا شركة هونر قامت بالإعلان عن أحدث تليفوناتها في الفئة المتوسطة الـ HONOR X9b، اللي جاي عشان يكمل مسيرة النجاح اللي حققها الإصدار السابق X9a، مع بعض التحسينات المهمة.

التليفون الجديد بيجي بشاشة منحنية من علي الاطراف أكبر نسبيًا من الإصدار السابق لها والشاشة كمان بتيجي بدقة 1.5K ودا اللي بيخلي الشاشة تفاصيلها ممتازة وكمان تحتوي علي سطوع أعلى يصل الي 1200 شمعة، ومقاومة للكسر وعليها ضمان 6 شهور زي النسخة اللي فاتت.

كمان بيجي بمعالج من شركة كوالكم من نوع  Snapdragon 6 Gen 1، وكاميرا خلفية 108 ميجا بكسل، وبطارية ضخمة 5800 مللي أمبير، مع شحن سريع 35 واط، فخلينا نتعرف على مواصفات سريعة لموبايل هونر الجديد الـ HONOR X9b وأهم مميزاته وعيوبه وهل يستحق الشراء ولا لأ.

مواصفات مختصرة لموبايل HONOR X9b

  • الشاشة: من نوع اموليد بمساحة 6.78 إنش بدقة الـ 1200×2652 بكسل  دقتها تقريبا 1.5K  دا غير انها منحنية الأطراف.
  • المعالج بمعالج من شركة كوالكم من نوع Snapdragon 6 Gen 1 بتكنولوجيا 4 نانو مع معالج رسومي من نوع Adreno 710
  • الذاكرة النسخة المتاحة 256 جيجا بايت ورامات 12 جيجا بايت
  • الكاميرا:  خلفية ثلاثية 108+5+2 م.ب. / امامية 16 م.ب.
  • البطارية:  5800 مللي أمبير
  • نظام التشغيل:   اندرويد 13 بواجهة هونر الأحدث الـ Magic UI 7.2

مميزات الموبايل

  • اول واهم واقوي ميزة في الموبايل وهو انه متوافق مع خدمات جوجل بلاي يعني هتبقي موجودة بشكل رسمي.
  • وبالنسبة للتصميم فهو حلو وبسيط، زي ما هونر دايما بتعمل كمان وزنة خفيف 185 جرام و مقاوم لطرطشة الماء الخفيفة والغبار بشهادة IP53
  • قوة البصمة في الموبايل بتخليه واحد من افضل المستشعرات دا غير ان زي ما احنا متعودين من هونر علي شبكاتها القوية فلم تبخل بتلك الميزة علينا هنا.
  • الشاشة قوية وألوانها حلوة، سواء كنت بتتفرج على فيديوهات أو بتلعب ألعاب، كمان الشاشة مقاومة للكسر زي الهاتف السابق X9a دا غير انها منحنية الأطراف فا بتديها شكل جمالي رهيب
  • كثافة البكسلات في الشاشة بتوصل لـ 429 بكسل لكل بوصة منها دا غير انها بتدعم معدل التحديث المرتفع اللي بيوصل لـ 120 هيرتز فا هتلاقيها في قمة السلاسة وقت الاستخدام
  • دا غير ان الشاشة بتيجي بسطوع عالي بيوصل 1200 شمعة ودا اللي بيخلي استخدامها تحت اشعة الشمس ممتازة وتفاصيل الشاشة واضحة في أي إضاءة
  • الكاميرات بتصور صور ومقاطع فيديو حلوة، وبتدعم تصوير فيديوهات بجودة 4K كان من الممكن انها تيجي اقوي وتصور بدقة اعلي ولكن دي دقة كويسة جدا بالنسبة لتصوير الفيديوهات
  • اما بالنسبة للكاميرات فالكاميرا الأساسية ممتازة 108 ميجا بكسل فيها تفاصيل حلوة اوي ومش هتلاقي مشاكل في الاستخدام ولو عايز تفاصيل وأداء اقوي تقدر تنزل واحد من نسخ جوجل كاميرا واللي هتديك نتائج هايلة
  • وبالنسبة للاداء فالموبايل بيقدم معالج غني عن التعريف من شركة كوالكم من نوع Snapdragon 6 Gen 1 بتكنولوجيا 4 نانو مع معالج رسومي من نوع Adreno 710 مع مساحة الذاكرة الكبيرة وكمان الشاشة السلسلة هتلاقي تجربة استخدام مفيش اقوي من كده في الفئة السعرية دي.
  • واحدة من اهم واقوي المميزات علي موبايل اول واهم استخدام ليه هو الألعاب هي البطارية واللي بتقدمها الشركة في الموبايل ده كبيرة 5800 مللي امبير وبتعيش معاك فترة طويلة من الاستخدام
  • دا غير الشاحن اللي مش اسرع حاجة بس لا يزال هيقدم لك أداء ممتاز ودا لانه بيدعم الشحن السريع بقوة 35 واط ويدعم الشحن العكسي.
أبرز 4 مزايا
أبرز 4 مزايا

عيوب الموبايل 

  • الشركة لغايه دلوقتي مأعلنتش عن نوع الخامات المستخدمة غير ان فيه نسخة من الجلد بس وغالبا هيبقي من البلاستيك
  • كمان الموبايل بيجي بتجربة صوتية مش احسن حاجة صحيح انها عاليه ولكن السماعات واحدة بس، مش اتنين وبالتالي الصوت هيبقي مونو مش استريو.
  • الموبايل بيدعم شريحتين اتصال فقط دا لانه بيجي بدرج شرائح ثنائي وبالتالي الهاتف مش بيدعم إضافة كارت ميموري
  • الموبايل مش بيدعم منفذ 3.5 ملم، بس بييجي معاه تحويل من Type C لـ 3.5 ملم وسماعه أذن ودي لفته كويسة من هونر بس لو باظت او ضاعت هتضطر انك تشتري سماعة تانيه ودي اغلي من العادية
  • سرعة الشحن 35 واط، بس كان من الأفضل لو كانت أعلى يعني مثلا 67 واط ودي حاجة كانت هتبقي افضل بكتير علشان سعر الموبايل المرتفع.
حجز التليفون
حجز التليفون
  • إمكانية حجز الهاتف من 8 إلى 13 فبراير، مع عرض لاختيار هدية مجانية عند الطلب المسبق.
  • عرض لاختيار هدية عند الطلب المسبق: HONOR Band 7 أو HONOR CHOICE Earbuds X5

سعر موبايل HONOR X9b

  • وبالنسبة لاسعار الموبايل ففي مصر هتلاقي النسخة الـ 256 جيجا بايت مع 12 جيجا بايت رام بتيجي بسعر 19000 جنية وكمان ضمان دولي في المحلات.
  • بس هتلاقي في السعودية للنسخة 256 جيجا مع 12 جيجا رام بسعر 1400 ريال سعودي.
  • وبالنسبة بقا لسعرة في الإمارات للنسخة 256 جيجا بايت مع 12 جيجا بايت رام بسعر 1300 درهم .

تقييم الجهاز

بشكل عام، يعتبر هاتف HONOR X9b هاتفًا جيدًا في الفئة السعرية المتوسطة، حيث يوفر مميزات عديدة يعني لو كنت بتدور علي موبايل في الفئة السعرية المتوسطة يوفر مميزات جيدة، فإن هاتف HONOR X9b خيار جيد لك. ومع ذلك، إذا كنت تبحث عن هاتف يدعم منفذ 3.5 ملم وسرعة شحن أعلى، فيمكنك التفكير في خيارات أخرى.


كتب

في

بواسطة

وسوم

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *